Við viljum óska þér og þínum gleðilegs nýs árs og farsældar
á komandi ári, þökkum fyrir árið sem er að líða
Starfsfólk iCell ehf
Nýr rekstraraðili eMax og Loftlínunnar.
Breytingar á eignarhaldi á eMax
Þann 1.október síðastliðinn var kaupsamningur undirritaður á milli Material ehf (sem hingað til hefur rekið eMax) og iCell ehf um kaup hins síðarnefnda á fjarskiptakerfi, vörumerki, viðskiptasamningum og lausamunum Material ehf. Samhliða þessum kaupum var hið nýja rekstrarfélag fjármagnað sem gerir það mun betur í stakk búið til þess að takast á við þau verkefni sem nauðsynleg eru til þess að viðhalda kerfinu og veita nauðsynlega þjónustu fyrir viðskiptavini eMax.
Það er hér með tilkynnt að frá og með 1.október tók iCell yfir öll kerfi og viðskiptasamninga Material ehf. Þjónustan verður eftir sem áður rekin undir merkjum eMax.
Samhliða þessum breytingum munu reikningar, greiðsluseðlar og kreditkortafærslur berast ykkur í nafni iCell ehf hér eftir, en ekki Material ehf eins og hingað til. Hvað varðar kreditkortafærslur þá munu þær ekki birtast inn á kreditkortayfirlitum viðskiptamanna f. tímabilið september-október 2011 og munu því bæði færslur vegna notkunar september og október 2011 færast á október-nóvember tímabilið. Beðist er afsökunar á þeim óþægindum sem þetta kann að valda.
Fyrstu verkefni nýs félags er að meta ástand núverandi sendastaða og gera í kjölfarið endurbótaáætlun. Verkefnið gengur fyrst og fremst út á að forgangsraða með þeim hætti að þeir sendastaðir sem veikastir eru verða endurbættir fyrst og svo koll af kolli. Ljóst er að hluti fjarskiptakerfisins er orðinn úr sér genginn og er því nauðsynlegt að hefja endurbætur á því sem allra fyrst. Það skal þó tekið fram að þessar umbætur eru tímafrekar þar sem sendastaðir félagsins eru mjög margir og víða á fjallstoppum og verður þetta verkefni því tímafrekt.
Nú þegar hefur verið ráðist í að panta notendabúnað og sendabúnað sem nýttur verður til þess að endurbæta núverandi uppsetningar og bæta við nýjum viðskiptavinum. Samhliða þessu er ætlunin að skoða aðrar flutningsleiðir varðandi högun fjarskiptanetsins, svo sem með því að nýta svokallaða ADSL tækni eða sambærilega og þá ljósleiðara þar sem það er hægkvæmt.
Framundan er mikil vinna við endurbætur og er það ósk nýrra rekstraraðila að viðskiptavinir eMax sýni okkur þolinmæði á meðan á þessum endurbótum stendur.
Icell hefur ráðið til starfa Njörð Tómasson, en hann starfaði áður sem framkvæmdastjóri Fjarska ehf, dótturfélags Landsvirkjunar og þekkir því vel að veita fjarskiptaþjónustu í dreifbýli. Þá er ætlunin að auka upplýsingagjöf til viðskiptavina frá því sem verið hefur og halda ykkur upplýstum um fyrirbyggjandi viðhald og breytingar sem fyrirhugað er að gera á þeim svæðum sem þið búið á. Þá stendur til að halda upplýsinga og kynningarfundi sem auglýstir verða síðar.
Það er einlæg von okkar að þessar breytingar leiði til þess að viðskiptavinir eMax fái góða þjónustu.
f.h. iCell ehf
Njörður Tómasson
framkvæmdastjóri
iCell kaupir Loftlínukerfi Vodafone
Þann 1.október var undirritaður kaupsamningur þar sem iCell ehf kaupir og Vodafone selur sendakerfi sem hingað til hefur veitt hinu svokölluðu Loftlínuþjónustu Vodafone. Til upplýsinga þá hefur iCell ehf einnig keypt öll kerfi sem rekin hafa verið undir vörumerkinu eMax og mun því hér eftir vera leiðandi í þjónustu á þráðlausum Internettengingum í hinum dreifðari byggðum landsins.
Icell mun því yfirtaka skuldbindingar Vodafone gagnvart viðskiptavinum Loftlínuþjónustunnar og veita áfram þá þjónustu sem að Vodafone hefur veitt hingað til.
Þessi félög munu gera allt sem í þeirra valdi stendur til þess að tryggja rekstrarsamfellu við þessar breytingar og er það von okkar að þær valdi ekki truflunum á Internettengingu yðar um Loftlínuna.
Samhliða þessum breytingum munu reikningar, greiðsluseðlar og kreditkortafærslur berast ykkur í nafni iCell ehf hér eftir, en ekki Vodafone (Fjarskipta ehf) eins og hingað til. Hvað varðar kreditkortafærslur þá munu þjónustufulltrúar eMax-iCell ehf hringja í þá viðskiptavini sem valið hafa að greiða með kreditkorti og nálgast upplýsingar um kreditkortanúmer hjá ykkur.
Skilin varðandi reikningagerð verða með eftirfarandi hætti. Viðskiptamenn munu fá reikninga frá Vodafone fyrir notkun vegna september nú í október þar sem reikningar eru sendir út eftirá, en munu fá reikninga frá Icell ehf í nóvember vegna notkunar í október.
Ef eitthvað er óljóst þá er þér óhætt að senda tölvupóst á emax@emax.is og þjónustufulltrúi eMax-iCell mun hafa samband við þig í framhaldi. Þú getur einnig hringt beint í þjónustuverið okkar í síma 5444454.